本土化後的Ruby Tuesday最近大搞新意思，在銅鑼灣時代廣場對面剛開了首間Ruby Tuesday Optimus新概念店，除提供他們的招牌美食，更開發了多款融合了法式及和式造法的Fusion新菜式，我哋立即去試食。
位於羅素街嘅Ruby Tuesday Optimus除了有新概念嘅菜式，亦有新概念嘅裝修。掛滿很有美國文化感覺嘅黑白相作點綴之外，更配上很法式高尚品味嘅金色掛簾，在餐廳一角，更闢了一個頗大的面積，設計了一個葡萄酒櫃，將來應會有美酒配菜。咦，舒服而高級嘅進餐環境、Fusion美食配埋紅白Wine，咁以後可以去Ruby Tuesday Optimus享受一下美歐日Fusion嘅Fine Dining!
日本鹿兒島A4和牛
新開的Ruby Tuesday Optimus供應了八款專屬這新概念店的新菜式，喜歡吃牛的，當然要首選用日本鹿兒島A4和牛的燒牛肉，配以很有和式風味的燒汁，入口融化之餘，肉汁滿溢，唔怪得這麼多人迷戀日本和牛。
香煎鴨肝吐司
作為前菜或小食的，可選香煎鴨肝吐司，鴨肝是選自匈牙利，煎鴨肝最考功夫嘅係點樣做到外脆內軟，入口時，脆皮內層的肝油要有像爆出來的感覺，再遇上香脆的多士提供另一種口感之餘，亦索了肝油，一點的蜜桃又平衡了鴨肝濃郁的味道，結合成豐富的餘韻。
吞拿魚他他
用日本鼓油醃好新鮮的吞拿魚他他，下面鋪上厚厚的牛油果，既惹味又健康，如果正在減肥又想享受美食，這款吞拿魚他他便最適合了。原來這個吃來自日本的藝妓，她們為保持肌膚細嫩，每天都吃一隻牛油果，但覺得無乜味，就加啲日本醬油嚟食，醬油唔單止減輕咗牛油果的油膩感，仲提升了味蕾嘅感覺。而家將日本醬油醃在吞拿魚他他，配合了牛油果來吃，味道更上一層樓了。
金槍魚沙律
以刺身級的吞拿魚輕輕火炙後滲上炒得好香嘅芝蔴，配上意大利陳年葡萄醋 (Balsamic
Vinegar)，又是一道美味又健美嘅菜式，應該很多女仕都可以當正餐食，但我就喜歡和朋友當前菜Share ，各自再叫一道主菜就更滿足了。先介紹上述嗰四款新概念店嘅專屬菜式，有興趣嘅可以親自去這間Ruby Tuesday Optimus試埋其他四道菜。
在Ruby Tuesday Optimus，除了專屬新菜式，當然亦提供了Ruby Tuesday嘅招牌餐飲Menu，而家疫情關係，只可以Lunch堂食，我們當然不放過Ruby Tuesday嘅Lunch Menu。
Ruby Tuesday嘅Lunch套餐共有14選擇之多，價錢由$98至最貴的10安士特級肉眼扒的$268，其中有招牌必食嘅露比燒排骨、好多人喜歡嘅素食—香草芝士墨西哥烤薄餅，經典嘅露比漢堡。
如果選小編自己Favourite，我會選肉香味濃，質地較腍的肉眼扒和食過返尋味嘅烤薄餅。另外，試過它的西班牙栗飼豬扒，肉質一流，幾乎不用點醬便吃得津津有味，它的醬味有點蓋過了肉香，唔知可否叫餐廳醬汁另上呢？
用了優質美國牛的精選紐約西冷牛扒，肉質豐富，比較有咬口。
招牌必食嘅露比燒排骨，它用的醬汁是重點。
大蝦藜麥沙律也是必選的沙律餐，用上了黑醋和意大利油醋汁（Balsamic
vinaigrette），酸中帶甜，再以蜜甜點綴，大蝦的鮮味浮游在酸甜的味海中，加上藜麥的質感，組成豐富的美食協奏曲。
享受Lunch套餐當然要加錢配杯特飲，小編精選了三款非酒精特飲：嫣紅雪意（Bananaberry Cream Freeze）、西班牙小紅莓特飲（Virgin
Red Sangria）和麗之薔薇（Rosa Lychee Punch）。
當然，在這間 Ruby Tuesday Optimus新概念店仍可以享受到餐廳美式美食代表作，各”Ruby迷”都知道，Ruby Tuesday出名的美食都好大份，最好約齊親友一起分享，或者自己餓足三日再去大吃大喝。要數挑戰大胃王當首推穀飼牛斧頭扒，比手臂更長，牛扒連着長長的骨頭，像極一把斧頭，是肉眼旁的一根16吋的牛肋骨，牛味濃郁，質感腍身，要用四個小時慢煮而成，每日限量發售，最好要預約嘞。而足可讓四個人分享的巨大漢堡包Colossal Burger，三層漢堡用上了一磅重的漢堡扒，果然夠分量。
最後亦到是Ruby招牌甜品濃情古朱力Chocolate
Tall Cake，一大塊朱古力蛋糕，加了朱古力Mousse、香草雪糕，再添上朱古力及焦糖醬，組成一家人都可以齊齊分享嘅絕佳甜品。當然，如果你是一個朱古力痴，不妨一個人獨佔一杯，但保証你吃完三日都不用再沾朱古力了。
Ruby Tuesday Optimus新概念店
地址：銅鑼灣羅素街2-4號 Plaza
2000 2樓全層
(銅鑼灣地鐵站 A 出口，時代廣場對面)
Leave a Comment